近年多左唔少人接觸直立板（Stand up Paddle) 呢項運動，不如就等我哋黎由發展歷史開始介紹吓直立板啦！直立板又名立划艇，英文係Stand up Paddle，好多時候我地會簡稱為‘‘SUP‘‘。呢項目起源四十年代的夏威夷威基基，由一位叫John Ah Choy 既老滑浪手發明既，因為佢身體當已經老化到唔能夠再係塊板上面「起板」，所以佢就諗到一開始就企係塊板上面再用槳划出來‘‘Catch waves’’。呢樣技術後尾比佢個仔發揚光大，用作教導遊客以更容易方式接觸滑浪。
對於滑浪人黎講，直立板可以係無風浪既時候帶到樂趣比佢哋，而對於新手黎講，直立板絕對係一樣恩物，就算唔識滑浪都可以企係塊板上面打吓卡，有視覺效果滿分
唔同直立板嘅玩法
由於直立板既結構簡單，直立板玩家可以係上面做既活動有好多，呢個小空間造就左好多唔同可能性，由最原始嘅直立板沖浪到後來發展嘅直立板瑜珈（Sup Yogo）、直立板釣魚（Sup Fishing）、划直立板（Sup Touring）。
支槳要點好？
出海前首先要注意，直立板槳通常係可調節式嘅，係因為企立同跪坐時候需要既長度都唔一樣，加上每個人身高既原同，所以每次上板前都要較好適合自己既槳長度。教下你點調較先至好啦！首先讓船槳碰到地面，打開固定鎖位，手持「T形」握位向上拉高至手臂垂直伸高位置，再將固定鎖位扣好鎖緊！
準備好上板未？
初學者最好先從跪坐在板上開始，繫上腳帶，就算失去落水都可以確保塊板唔會漂遠，亦要避免係接近岸邊時跌倒，因為岸邊淺水位置比較多礁石，一旦跌親就好容易損曬流血，呢一點無論係新手老手都要十分注意；就算真係失去左平衡，都要盡量係板左右既安全位置落水，安全第一！
直立板熱門地點
一般黎講，直立板比較考驗平衡力，所以係風浪細既地方係會易玩啲啲，以下係幾個比較熱門而且內灣少少既地方推薦比大家玩直立板嘅！
大埔龍尾灘
大埔龍尾灘的位置由船灣水壩和馬屎洲包圍，風浪好細，最適合初嘗直立板嘅朋友，不過可惜嘅係由於近年人工泳灘嘅落成，令到當地嘅水質每況越下，不時都傳出有泳客被海毛蟲老虎魚等生活係水質嘅地方生物刺傷嘅消息，所以落水既都要小心水中生物。
直立板租借
西貢沙下
西貢沙下位置西貢市中心，水質有保證之外，風浪亦唔算大。留意天文台嘅風級情況，1-3級都係適合新手嘅天氣，如果係3級以上就會愈黎愈吃力喇！另外，因為東邊冇地形阻擋，喺吹東風嘅日子，西貢地區都會較為受風力影響！一旦走出左沙下範圍，風力就會明顯增加！不過撇除呢啲因素，西貢優美景色同海岸線絕對係必去嘅地點
Chinese 
English