嚴選西貢5大船河熱門路線推薦|西貢船P搞手攻略

船P攻略

夏天除咗玩獨木舟直立板,最多人玩既相信都係船P,同三五知己揮散青春同汗水,到底點先可以搵到最合適既路線比自己,身為船P搞手既你,你必須睇到尾先對得住江東父老。

五大船河熱門地點

一、浪茄灣

推薦指數:★ ★ ★ ★ ★
水清指數: ★ ★ ★ ★ ★
沙灘指數: ★ ★ ★ ★ ★

冠有西貢「馬爾代夫」美名既浪茄灣係船P必去地標,水清沙幼固然係必然事實,係船上面玩耐左都可以落去超大沙灘繼續玩,浪茄灣既沙灘好少銳利既石頭,就算四圍跑跑跳跳都唔驚整親自己,最適合就係玩沙灘排球呢類競技運動!

二、大浪西灣

推薦指數:★ ★ ★ ★ ☆
水清指數: ★ ★ ★ ★ ☆
沙灘指數: ★ ★ ★ ★ ☆

大浪西灣又名為西灣,與鹹田灣、大灣及東灣一樣位於西貢東郊野公園,身為露營勝地既大浪西灣當然都是其中一個船P熱門地點,呢個沙灘不單只長而且相當寬闊,風景怡人,加上風平浪靜的特性,泳術不佳都可以相對放心。

三、綠蛋島

推薦指數:★ ★ ★ ★ ☆
水清指數:★ ★ ★ ★ ★
沙灘指數:★ ☆ ☆ ☆ ☆

經東張西望一播而紅的綠蛋島,原名為爛排,位於清水灣東面,因為較近外海,水質固然係清,亦有好豐富既海洋資源例如珊瑚可以比大家浮潛既時候探索,不過原本都算係人煙稀少既綠蛋島係大家消費佢既美名既時候,已經變成左週末人滿為患既旅行勝地。如果唔希望假日同大量獨木舟玩家一齊逼既話,可以考慮下其他地方。

四、白臘

推薦指數:★ ★ ★ ☆ ☆
水清指數:★ ★ ★ ★ ☆
沙灘指數:★ ★ ★ ★ ☆


白臘位於西貢糧船灣附近既一個沙灘,水質都係理所當然地清,不過個人比較鐘意浪茄同埋大浪西灣,但近年既出現鬱金香花田同埋白臘村彩色小屋都令到呢個地方生色不少,如果考慮上岸休息同遊覽白臘四周既你,真係值得選擇去一腐白臘船P。除咗幾個打卡勝地,附近都有小士多可以買下餐蛋面Hea下。

五、大蛇灣

推薦指數:★ ★ ★ ☆ ☆
水清指數:★ ★ ★ ★ ☆
沙灘指數:★ ★ ★ ☆ ☆

大蛇灣地區偏遠,普通人對大浪西灣、浪茄灣比較熟悉,唔係個個都UP得出佢個名既情況下,有機會遇到人少既情況(其實假日周圍都爆⋯⋯),不過未到船P高峰期,大蛇灣的確係比較隱世既地點。

待續

關於我們

熱愛出海玩水的一群人,希望把海洋的樂趣帶給每一個人。

夏日單品

防曬衣系列

Kayarine 防曬衣 泳衣 香港品牌
更多文章

© 2023 All rights Reserved. Design by Kayarine

西貢營業點
zh_HKChinese